«

»

Oct
12

धत्त तेरे की ! हमर ब्वे बुबौं तैं पता इ नि छौ बल पटाखा फुड़न, जुआ खिलण से हिन्दू धरम बचद !

धत्त तेरे की ! हमर ब्वे बुबौं तैं पता इ नि छौ बल पटाखा फुड़न, जुआ खिलण से हिन्दू धरम बचद !

(Best of Garhwali Humor , Wits Jokes , गढ़वाली हास्य , व्यंग्य )
-
चबोड़ , चखन्यौ , ककड़ाट ::: भीष्म कुकरेती

एक बात मि मानी ग्यों जु पढ्यां लिख्यां नि हूंदन वू हिन्दू धरम नि बचै सकदन , ना ही मे सरीका डिग्री बाज हिन्दू धरम बचै सकदन। हिन्दू धरम त न्यूज चैनल का ऐंकर , धार्मिक ठेकेदार अर पटाखों दुकानदार इ बचै सकदन।
मि तैं साठ साल बाद पता चौल कि यदि हिन्दू दिवाळी -बग्वाळी अर गोधनक दिन पटाखा नि फ्वाड़ल त हजारों साल पुरण सनातन धर्म समाप्त ह्वे जाल। अर यी बि तब पता चौल जब सब राष्ट्रीय चैनलों मा न्यायालय द्वारा दिल्ली मा दिवाली तक पटाखा बिक्री पर बैन का विरुद्ध डिबेट हूणी छे अर डिबेट पटाखों ना हिन्दू विरुद्ध मुस्लिम की हूणी छे।
ब्याळै टीवी डिबेटुं से त मीन यी जाण कि हिंदुत्व माने पटाखा अर मुसलमान माने लाऊड स्पीकरों द्वारा अजान। यदि हिन्दू पटाखा नि फ्वाड़ल त हिन्दू धर्म नष्ट ह्वे जाल अर जु मुसलमान लाउड स्पीकर से अजान नि सूणल त भारत मा इस्लाम खतरा मा पड़ जाल। ब्याळी इ पता चौल कि हिन्दू राम जी का समय से इ पटाखा फुड़दन।
सबि हिंदी अंग्रेजी चैनलुं डिबेट देखिक मि तै भूतकाल की चिंता अर शरमींदगी से सरा रात निंद नि आयी। बैं हौड़ फरकुं त दैं हौड़ मि तै भूतकाल की शरमींदगी याद दिलै दींदो छौ। दैं हौड़ फरकुं त बैं हौड़ भूतकाल की चिंता से हौर बि चिंता मा डाळ द्यावो। दैं हौड़ मि तैँ लज्जित करदो छौ कि ” हे नराधम हिन्दू ! जब तक तू गढ़वाळ मा रै त्यार ब्वे बाबुन दिवळि -बग्वळि कुण पटाखा नि फुड़ेन ! शरम कर बेशरम ! कि तीन अपण बचपन मा यूं दिनों पटाखा नि फ्वाड़ अर ना इ फुलझड़ी जळाइ। त्यार स्वर्गीय पिताजी अर ज़िंदा मां तैं हिन्दू धर्म तै गर्त मा लिजाणो जुर्म मा माफ़ी मांगण चयेंद। ”
दैं हौड़ यदि लज्जित करदो छौ त बैं हौड़ भूतकाल की चिंता से मि तै उद्वेलित करदो छौ ,” हे असम्मानीय हिन्दू ! सोच कि यदि भारत मा हौर पटाखेबाज हिन्दू नि हूंदा त सोच ! आज हिंदुस्तान हिंदुहीन हिन्दुस्तान हूंद। आज हिन्दुस्तान मा हिन्दुओं हालात रोहिंग्या हिन्दुओं , बंग्लादेशी हिन्दुओं अर कश्मीरी पंडितों जन हूंदी। ” अर मि तै भरवस ह्वे गे कि वास्तव मा हिन्दू धर्म त वूंक वजै से जिंदु च जौन यूं दिनों रात दिन पटाखा फोड़िन अर हम सरीखा तो हिन्दू धरम पर केवल बोझ छंवां।
जब द्वी हौड़ुन मि तै सीण नि दे त मि कमर का बल सीण मिस्यों त कमरन ठौ दीणो जगा उलाहनाओं का कांड पुड़ाण शुरू कर दे अर ताना तून दीण शुरू कर दे , ” डूब मरण चयेंद इन हिन्दुओं तै जु हिन्दू धर्म बचाणो खातिर दिवाळी बगत जुआ नि खिलदन। ”
अब मि बड़ी घंघतोळ मा छौं कि क्या जि कौर। हिन्दू धरम बचौं अर पटाखा फोड़ि प्रदूषण बढ़ौं , हिन्दू धरम बचौं अर जुआ खेलिक अफु कंगाल ह्वे जौं या भाई बंध तै कंगाल कौरुं या दिल्ली रिस्तेदारुं इख बगैर पटाखों की दिवाळी मनाऊं।

12/10 / 2017, Copyright@ Bhishma Kukreti , Mumbai India

*लेख की घटनाएँ , स्थान व नाम काल्पनिक हैं । लेख में कथाएँ , चरित्र , स्थान केवल हौंस , हौंसारथ , खिकताट , व्यंग्य रचने हेतु उपयोग किये गए हैं।
-
Best of Garhwali Humor Literature in Garhwali Language , Jokes ; Best of Himalayan Satire in Garhwali Language Literature , Jokes ; Best of Uttarakhand Wit in Garhwali Language Literature , Jokes ; Best of North Indian Spoof in Garhwali Language Literature ; Best of Regional Language Lampoon in Garhwali Language Literature , Jokes ; Best of Ridicule in Garhwali Language Literature , Jokes ; Best of Mockery in Garhwali Language Literature , Jokes ; Best of Send-up in Garhwali Language Literature ; Best of Disdain in Garhwali Language Literature , Jokes ; Best of Hilarity in Garhwali Language Literature , Jokes ; Best of Cheerfulness in Garhwali Language Literature ; Best of Garhwali Humor in Garhwali Language Literature from Pauri Garhwal , Jokes ; Best of Himalayan Satire Literature in Garhwali Language from Rudraprayag Garhwal ; Best of Uttarakhand Wit in Garhwali Language from Chamoli Garhwal ; Best of North Indian Spoof in Garhwali Language from Tehri Garhwal ; Best of Regional Language Lampoon in Garhwali Language from Uttarkashi Garhwal ; Best of Ridicule in Garhwali Language from Bhabhar Garhwal ; Best of Mockery in Garhwali Language from Lansdowne Garhwal ; Best of Hilarity in Garhwali Language from Kotdwara Garhwal ; Best of Cheerfulness in Garhwali Language from Haridwar ;गढ़वाली हास्य -व्यंग्य , जसपुर से गढ़वाली हास्य व्यंग्य ; जसपुर से गढ़वाली हास्य व्यंग्य ; ढांगू से गढ़वाली हास्य व्यंग्य ; पौड़ी गढ़वाल से गढ़वाली हास्य व्यंग्य ;
Garhwali Vyangya, Jokes ; Garhwali Hasya , Jokes ; Garhwali skits , Jokes ; Garhwali short Skits, Jokes , Garhwali Comedy Skits , Jokes , Humorous Skits in Garhwali , Jokes, Wit Garhwali Skits , Jokes

Copy Protected by Chetans WP-Copyprotect.